Вечер со соло-концерт „Пијано рецитал“ во Културно-информативниот центар на Република Македонија во Софија, ќе настапи македонската пијанистка Елена Костовска.  На програмата се дела на Купрен, Дебиси, Шопен, Шуман, Лекуона, а ќе бидат изведени и композиции на Томислав Зографски.

Зад себе има многу натпревари со бројни награди, соработувала со пијанисти како Жени Захариева од Бугарија, Арбо Валдма од Германија и Питер Фојхтвенгер од Англија. Имала концерти во Македонија, Германија, Грција и Велика Британија, а својот прв компакт-диск го сними во 2016 година.

По завршувањето на Факултетот за музичка уметност во класата на проф. Тодор Светиев, Елена Костовска во 1997 година била примена на последипломските студии по пијано на Високата школа за музика во Есен-Дуизбург, Германија, во класата на проф. Бернард Вамбах, каде што и  магистрирала.

Од 1999 до 2003 работи како корепетитор на гудачка класа при Државниот музичко-балетски училишен центар во Скопје и таму сега  е  наставник по пијано.