Како што земјата  се врти околу сонцето, така и ние како дел од неа ги чуствуваме промените што се случуваат континуирано во период од 24 часа. Кога земјата  ќе се сврти кон сонцето со некоја своја страна велиме дека настапува ден  и обратно, кога ќе се сврти спротивно од сонцето тогаш велиме дека настапува ноќ . Кога ние заспиваме и кај нас доаѓа ноќта, така од другата страна луѓето се будат и најголемиот дел од нив го поминуваат денот будни. Се чини дека тој период од 24 часа во нашата средина има големо влијание на нашиот одмор и на нашиот активен циклус. Затоа се поставува прашањето дали ако имаме цело време ден  или ако имаме цело време ноќ , односно немаме промена, дали тоа ќе влијаеше на нашиот биоритам, нашите активности и нашиот одмор. Секако, сонот е витална работа за нашето здравје  и опстанок. Уште од прастаро време па до денес луѓето го организираат своето време и условите во кои работат и живеат, па и самото нивно општество и потребата за спиење. Порано пештерите, а до денес и куќите, хотелите и другите објекти за спиење се прават за да можеме сигурно да ја поминеме ноќта во сон. Денес се повеќе ја користиме ноќта за нашите активности и денот за спиење. Она што го работиме сега е да нашиот живот  е се повеќе поминат во ноќта одколку во ден.

Спиењето е неопходно за да останеме живи. Тоа е состојба кога нашето тело се обновува и се полни со енергија. За време на спиењето се намалува нивото на енергија која ја трошиме, мускулите се одмараат и обновуваат и нашиот мозок добива можност да ги обработи спомените и работите кои сме ги научиле во текот на денот. Нема подобар начин да го завршите напорниот ден од спиењето. Моќта на добриот сон е огромна, иако за жал често ја потценуваме. Благодарение на спиењето функционираме нормално. Тоа придонесува за зајакнување на имунолошкиот систем. Постои директна врска помеѓу спиењето и имунитетот, т.е. недостатокот на сон го намалува имунитетот. Нашиот имунолошки систем е дизајниран за да може да нè штити од настинка и грип. Па, ако е заслабен како резултат на недоволен сон, почесто заболуваме од сезонски грип и настинка.

Потоа го Намалува ризикот од срцеви болести и рак. Нарушувањата во спиењето и хроничната несоница го зголемуваат ризикот за појава на срцеви заболувања, срцев удар, нерегуларен ритам на срцето и висок крвен притисок.Кога имунолошкиот систем на телото е силен, тоа може да се бори и против сериозни заболувања како рак. Експертите тврдат дека луѓето кои работат ноќна смена се изложени на повисок ризик од рак на дојка и рак на дебелото црево, поради нивото на мелатонин. Изложеноста на светлина го намалува нивото на мелатонин, хормон за кој се верува дека нè прави поспани и штити од рак. Мелатониниот го намалува растењето на тумори. Затоа, многу е важно да спиете во темна просторија. Скоро 90% од луѓето кои имаат инсомнија, страдаат и од друг здравствен проблем.

Влијае и на појава на депресија. Дури и ако само во текот на една недела имате проблеми со спиењето, тоа ќе се одрази негативно на вашето расположение. Ако спиете под 5 часа дневно ќе се појави стрес, лутина, тага и психичка изнемоштеност. Доколку недостатокот на сон продолжи подолг период, се појавуваат симптоми на депресија. Најчестата форма на нарушување на спиењето, инсомнијата, е директно поврзана со депресијата. Луѓето кои страдаат од инсомнија се изложени на пет пати повисок ризик од појава на депресија.

Добриот сон го намалува стресот, а недоволниот сон води до создавање на поголемо количество на кортизол, хормонот на стресот. Од друга страна, спиењето придонесува за опуштање на мускулите на телото, релаксација и намалување на активноста на мозокот, што води до помалку стрес.Колку сон ви е потребен зависи од многу фактори, особено од возраста. Новороденчињата обично спијат најмногу, по 16 часа дневно. Децата во предучилишна возраст треба да спијат по 11 часа, а децата што одат на училиште – 10.Иако често тинејџерите сакаат да спијат како бебиња, ним им се доволни 9 часа спиење. Повеќето возрасни се добро одморени и наспани по 7-8 часа сон.

Но редовното спиење и квалитетен сон не значи консумирање таблети за спиење.Најновата студија која ја спроведоа американските научници покажува како таблетите за спиење петпати го зголемуваат ризикот од прерана смрт. Колку посето се земаат, толку ризикот е поголем, но подложни се дури и оние кои ги конзумираат ретко и повремено.Честата употреба на таблети за спиење го зголемува ризикот и од добивање рак. Според научниците, од засега непознати причини, најголеми последици чувствуваат лицата на возраст меѓу 18 и 55 години, а токму од оваа возрасна група се најголем број од корисниците.

Еве неколку правила за добар сон:

Не се релаксираjте пред спиење седејќи пред телевизор или компјутер бидејќи тоа претставува повеќе стимулација отколку релаксација на мозокот. Исфрлете го телевизорот и компјутерот од спалната соба – креветот треба да служи само за спиење и за секс.

Влезете во креветот повеќе со намера да се релаксирате отколку со “обврска“ да заспиете. Обезбедете тивка и пријатна атмосфера во спалната соба.

Внимавајте на исхраната пред спиење – последниот оброк нека ви биде барем два часа пред заспивањето, но и тогаш избегнувајте ги обилните оброци. Истото важи и за алкохолот и за кофеинот, кои е пожелно да ги избегнувате пред спиење. Избегнувајте и пиење премногу течности пред спиење.

Воспоставете редовно време за спиење, кое не треба да ја преминува границата на полноќта. Воспоставете и редовно време на будење, кое би требало да се случува по доволен број часови исполнети со квалитетен сон.

Избегнувајте да спиете преку ден. Во краен случај, би можеле да си дозволите дневна дремка, но придржувајте се до правилото таа секогаш да се движи во границите од 20 минути до половина час.